أي ضحية مهما كانت الجريمة إلّي تعرضتلها لازم تتم معاملتها باحترام لكرامتها وبدون تمييز وتمكينها من الوصول لآليات العدالة والحصول على الإنصاف فيما يتعلق بالضرر إلّي لحقها.
الأفراد العاملين في منظومة العدالة الجزائية لازم ياخذو احتياجات الضحايا بعين الإعتبار خاصة إذا كانوا أطفال ولاّ مسنين ولا مرضى ولاّ ضحايا عنف وتعريفهم بدورهم في الإجراءات والطريقة إلّي ينجم ييدافعوا بيها على حقوقهم ومصالحهم.
الدولة لازمها توفّر المساعدة المناسبة للضحايا في جميع مراحل الإجراءات القانونية حسب ما يضبطو القانون:
- الإعانة العدلية
- المساعدة الاجتماعية والصحية والنفسية
بالنسبة للنساء والأطفال ضحايا العنف، يتمتعوا:
- بالحماية القانونية بطريقة يكفل أمنهم وسلامتهم وحرمتهم الجسدية والنفسية وكرامتهم مع احترام خصوصياتهم،
- بالنفاذ إلى المعلومة والإرشاد القانوني حول إجراءات التقاضي والخدمات المتاحة،
- وجوبيا بالإعانة العدلية،
- بالتعويض العادل في صورة استحالة التنفيذ على مرتكب الجريمة،
- بالمتابعة الصحية والنفسية والمرافقة الاجتماعية المناسبة والتمتع بالتعهد العمومي والجمعياتي بما في ذلك الإنصات،
- بالإيواء الفوري.