• يتمتع المشتبه فيه بقرينة البراءة وبعتبر برئ حتى تثبت إدانتو في إطار محاكمة عادلة.
• عندو الحق في الحرية و ما يتم الاحتفاظ بيه إلاّ في حالة الضرورة إلّي يقتضيها البحث.
• عندو الحق باش يتم إعلامو  بلغة يفهمها بأسباب إيقافو  وبأسباب الاحتفاظ بيه.
• يلزم يتم إعلام عايلتو  بالإجراء إلّي تم اتّخاذو ضدو،
• عندو الحق زادة باش يعرف الوقائع بلغة يفهمها باش يفهم نوع التهم إلّي موجهتلو.
• عندو الحق باش يتعامل معاملة إنسانية تضمن كرامتو.
• عندو الحق باش يتعرض على طبيب.
• عندو الحق باش يدافع على نفسو ويوّكل محامي.
• عندو الحق باش يقابل المحامي.
• عندو الحق زادة باش يحضّر المحامي معاه في التحقيق.
• ما لازمش نفرضو على المشتبه فيه باش يشهد ضد روحو ولاّ يعترف بذنب هو ما ارتكبوش.
• عندو الحق باش يتحاكم  من غير تأخير مبرر.

• يتمتع المتهم بقرينة البراءة.
• عندو الحق في الحرية. في الحالات المنصوص عليها بالقانون يمكن إيقاف المتهم تحفظيا.
• في حالة الجتاية ولاّ الجنحة  المتّهم يلزمو يمثل قدّام قاضي التحقيق.
• المتهم  عندو الحق باش يتم إعلامو بالتهم المنسوبة ليه والنصوص القانونية المنطبقة على الوقائع هاذي في الوقت المناسب.
• عندو الحق باش يتم إعلامو بالقرار  إلّي تم اتخاذو ضدو
• عندو الحق باش ما يجاوبش على أسئلة قاضي التحقيق إلاّ في حضور المحامي إلّي يختارو  وإلاّ إلّي يتم تعيينو.
• ما يلزمش نفرضو على المتهم باش يشهد ضد نفسو ولاّ يعترف بذنب هو ما ارتكبوش
• عندو الحق باش يوكل محامي في الاستنطاق ولاّ /والمكافحة.
• عندو الحق باش يطّلع  على وثائق الملف.
• عندو الحق باش ما يتكلّمش وصمتو ما يمثلش قرينة على إدانتو.
• باستثناء الحالات المتلبس بها، ما يقعش إستجوابو إلاّ من طرف قاضي تحقيق.
• عندو الحق في الإفراج المؤقت.
• عندو الحق باش يعاود ينظرو في ملفو من طرف محكمة عليا.
• عندو الحق باش يتحاكم من غير تأخير مبرر.

إذا تعلق الأمر بالإيقاف التحفظي وفي صورة ما إذا كان المتهم يتمتع بحفظ القضية باعتبار أنو الأفعال المنسوبة ليه ما تشكلش جريمة وإلاّ ما عندهاش وجود  أصلا  ولاّ ما تتنسبش ليه ، وقتها ينجم المتهم يطلب من الدولة تعويض مادي ولاّ معنوي على الضرر إلي صارلو من الإيقاف.

• المتهم عندو الحق في محاكمة عادلة وعلنية من طرف محكمة مختصة مستقلة ومحايدة تم إنشاءها بحكم القانون.
• عندو الحق باش يجرح في نزاهة القاضي.
• عندو الحق باش يطعن في اختصاص المحكمة.
• عندو الحق باش يتمتع بالإعانة العدلية.
• عندو الحق باش يتمتع بالوقت اللاّزم باش يدافع على نفسو.
• عندو الحق  باش يتحاكم من غير تأخير غير مبرر.
• عندو الحق باش يتم إعلامو وإستدعاؤو وعندو الحق زادة باش يحضر المحاكمة.
• المتهم عندو الحق إنّو ما يتحاكمش غيابي.
•  المتهم عندو الحق باش يطلب سماع الشهود.
• المتهم بريء حتى تثيت إدانتو بموجب للقانون.
• القرائن ووسائل الإثبات القانونية ما يتم قبولها إلّا إذا كانت قاطعة.
• يلزم تكون العقوبة متناسبة مع الأفعال المنسوبة.

• المحكوم عليه عندو الحق باش  يتعامل باحترام وكرامة،
• المحكوم عليه عندو الحق زادة باش يعدّي عقوبتو من غير قيود إضافية غير القيود المتأصّلة في العقوبة نفسها.
• السجين يلزم يعدي عقوبتو في المؤسسة السّجنية الملائمة.
• عندو الحق زادة باش يتعالج وياخذ الدواء في السجن وإذا تعذر هاذا، في المؤسسات الاستشفائية.
• عندو الحق زادة باش يقابل محاميه ويتواصل معاه.
• عندو الحق باش يزوروه عايلتو.
• في حالات، يتمتع السجين بالسراح الشرطي ولاّ بالعفو.
• كل واحد تحكم عليه بالسجن وثبتت براءتو ينجم يطلب من الدولة باش تعوضو على الضّرر المادي ولاّ المعنوي إلّي لحقو.