يقدم المتضرر الشكاية مباشرة لوكيل الجمهورية ولاّ في مركز شرطة.
الشكاية والتصريحات لازم يتحرّر فيهم محضر والشاكي يمضيه.
الشاكي لازم يتم إعلامو بمآل الشكاية.
الشاكي ينجّم يتم استدعاؤ للصلح أما هذا ما يلغيش حقو في التعويض على الضرر إلّي لحقو.
وينجم الشاكي ينوّب محامي.
يسمع حاكم التحقيق المتضرر بإعتبارو قائم بالحق الشخصي ولاّ شاهد.
يقدّم المتضرر تصريحاتو قدّام حاكم التحقيق ولاّ قدّام المأمور المتعهد بموجب إذن كتابي.
تتكتب تصريحات المتضرر بمحضر يمضي(يصحح) عليه.
المتضرر عندو الحق باش يعرف المعلومات إلّي تخص قضيتو.
في بعض الحالات، المتضرر عندو الحق باش يطلب إعادة مراجعة قرارات التحقيق من قبل دائرة الاتهام.
للمتضرر عندو الحق باش ينوّب محامي.
الشاكي عندو الحق باش يتم إعلامو بتاريخ الجلسة واستدعاؤ وعندو الحق زادة باش يطّلع على أوراق القضية.
الشاكي عندو الحق باش المحكمة تسمعو.
وعندو الحق بعد ترخيص من رئيس المحكمة باش يعبر على رايو وقت الجلسة ويناقش تصريحات المتهم ولاّ الشخص إلّي ينوبو.
ويتمتع القائم بالحق الشخصي بالإعانة العدلية.
وفي بعض الحالات إذا ما رضاش القائم بالحق الشخصي بالحكم ينجم يطلب إعادة النظر في القضية من طرف محكمة الاستيناف وإذا أمكن محكمة التعقيب.
